當我哋仲未決定食咩時，咁啱路過一間泰式餐廳，聞到啲野食好香，見環境幾好又唔駛等位，所以就入咗去食~
呢間餐廳就係「艾堡餐廳」，餐廳店面好大，室內室外都有座位，歐陸風裝修，成個裝修令人好放鬆、好有度假嘅感覺，好正！
🧡生牛肉雞絲魚片冬蔭功粉絲（$58）
CP值高！可以自選三餸，粉麵飯同湯底！店家落料好足，份量超多，細食啲兩個人都夠食！冬蔭功湯底酸酸甜甜，好輕微嘅辣，入口好舒服！
🧡泰式烤魚（$168）
烤魚即叫即整，需時三十分鐘！烤魚原條上，上到嚟熱辣辣，配有兩款蘸醬，魚肉嫩滑唔腥，冇乜魚刺，食落有陣清香嘅香茅味同青檸味，個人幾鐘意！
整體來講，環境服務同食物都唔錯，再配合埋心情，今餐食得好滿足！
