XOXO Café Lab (已結業)

坑口終於有新嘅嘢食 對於坑口人來講絕對係一件樂事😆見到佢嘅裝修以藍色白色為主 簡約得來有一種休閑咖啡室的感覺！於是就同媽媽二人入左去！打開餐牌見到有台式嘅食品同埋韓式嘅食品 仲有埋甜品可以選擇！冰茉香珍珠奶茶：珍珠奶茶唔係死甜味道， 茶底夠香、 珍珠煙韌； 唯獨茉香味不是太重 鐵板芝士燒豬肋骨：是晚重頭戲！用鐵板上可以用熱力keep住芝士熱，拉到一絲絲芝士。豬肋骨鬆軟，有一層燒汁醬包住豬肋骨，再加埋芝士拉絲，絕對有平時係韓國店食到嘅水平！鐵板芝士海鮮拉麵： 海鮮配料算係足料，呢個麵除咗有芝士之外， 仲有啲辣醬同泡菜撈落去，小辣得黎又芝士香味綠茶紅豆多士布甸：呢個多士布甸賣相已經十分吸引，抹茶雪糕味濃郁，陪埋多士紅豆食，好夾！最特別係去上邊有一球棉花糖，好靚！