一休(居食屋)日本料理 (38廣場)

營業中

休息中

旺角餐廳咁多，樓上鋪既餐廳相對地會少啲人。呢間日本餐廳性價比高，一行四人叫到好似放題咁，埋單六百蚊左右。食物有質素，推介香草三文魚薄餅($42)，酥皮邊！好好味！由於朋友們都唔食生野，所以我地無叫剌身。我地仲叫左雞軟骨和軟骨餃子($36)，味道合理，正常。另一推介係天婦羅海老卷($98)，因為太心急食左，唔記得左影相。配牛油果真係無得輸，鍾意食牛油果嘅朋友必試。食物唔算好大碟，但係價錢非常合理。餐廳喺大廈一樓，我哋幫襯嗰日係閒日，所以人流唔算太多，不過都坐滿九成位置。餐廳光猛，有好多卡位，所以都好舒服。值得一試！