石鍋堂

營業中

休息中

我哋喺平日嘅下午茶時段入坐。店內環境好窄，可能因為唔係繁忙時段，起碼有三個店員霸左三張最大嘅枱我哋2個人想坐佢後面小小嘅枱其中一個霸住咗大枱嘅店員講：坐去前面啦。態度好差，語氣好差個種到我哋坐咗喺張細枱，第二個店員就出現企咗喺我哋前面呢個時候我哋都仲未開始睇個餐牌佢就勁唔耐煩，咁樣反晒白眼，橋晒手到我哋叫嘢食嘅時候，就講咗餐牌上面嘅名。然後個店員話：講number 。今次佢唔止態度好差，仲要反白眼到啲嘢食嚟到，條友仲要抌啲嘢食落張枱係勁大聲睇，得出佢發緊脾氣嗰種。你如果話繁忙時段好忙冇注意到都合理，個重點就係非凡忙時段，佢態度極之差食物質素又唔係特別好我叫咗個炸吉列廣島蠔好明顯係冰鮮，勁唔新鮮，炸咗都好大浸雪味湯低又好重味精，食完勁口渴總結而言，環境質素唔好，食物質素唔好，店員服務態度極差。非常之伏。如果你係鍾意比錢受人哋氣可以去食下。