六和素食 (已結業)

勁失望的一餐！兩個人點左一個麻香素雞絲粉皮，一個避風塘茄子，一個竹笙海皇羹，以及一個梅菜扣肉，買單460蚊，唔算抵食，而且味道真係好麻麻⋯⋯首先最大伏係個避風塘茄子，一咬落去成口都係油，發現d粉同茄子一樣厚，而且完全入唔到味，為左唔浪費沾海皇羹的醋先勉強食完⋯⋯雞絲粉皮味道一般般，麻醬唔算香，偏甜，絕對算唔上好味海皇羹更係完全無鮮甜味，有幾粒冬瓜竹笙之外，就係各種素海鮮，其中有一款素蝦唔知點解勁腥！！！最後問伺應拿左胡椒粉先勉強飲完⋯⋯最後的梅菜扣肉普普通通，叫做可以送碗飯食，但冬瓜處理到偏甘，勉強可以接受啦⋯⋯總之食完之後，都無開心滿足的感覺，滿滿都係伏啊