港嘢茶檔 (已結業)

一個人嚟食，叫咗個沙爹牛肉出前一丁餐，跟杯凍奶茶。想叫個菠蘿油試吓，個伙記問我菠蘿油跟咩飲。我問單叫菠蘿油，唔跟餐飲幾錢？個伙記又問佢同事，答覆竟然係「菠蘿油冇得單嗌，一定要跟餐」。算，冇理由哂錢叫兩杯嘢，亦冇咩好討論，咁我唯有唔要菠蘿油啦。沙爹牛肉出前一丁。沙爹牛肉好韌，至於個麵雖然跟包疑似日清麻油，但我好懷疑唔係日清出前一丁。其次，個麵未煮透，似食緊大陸「泡麵」。喂大佬，你sell香港地道茶記，最簡單嘅嘢都做唔好？