喜喜食堂 (已改名)

喺鑽石山地鐵站外收到呢間店嘅宣傳單張，個價錢幾吸引啊！致電店家查詢，佢話夜市有海鮮供應。再喺度睇到第一位J小姐嘅相，就勇敢地去試下晚餐。

嘩 。。一入到場，環境新淨，座位分佈都唔錯，又唔需要搭枱，第一感覺OK的。埋到枱坐低，職員話有燉湯送，之後就上左個沙律，灼菜同龍蝦伊。 好似幾吸引啊！然後 。。。就開始 。。。伏伏伏之旅！

龍蝦伊：賣相 OK，但實際頭頭尾尾的殼，只係搵好多汁放上面，扮有肉。啲伊面有一半乾到無煮過一樣。

炸物：正常

沙律菜，生果，甜品：
新鮮，最好食嘅食物

1

車仔面：好多雜丸，不過無菜提供，比較奇怪，而且湯底唔得，好腥。令成個面同啲餸都好難食。

2

點心：得蒸包，馬拉糕，魚肉燒賣，都肉片飯。

1

總結：一定食得飽，但並無海鮮供應，呢個價錢試一次就夠，唔會再試，伏伏伏。千祈咪相信 J小姐嘅相片，假假假。