見冇咩差評就走咗去食，又話咩高質，用心小店。點知由踏入門口到食完出返黎一句招呼都冇😌雖然作為i人嘅我都唔鍾意同人講野，但一間餐廳最基本嘅禮貌都係要有⋯⋯⋯
完全冇staff會主動同你講野，你行咗入去搵咗個位坐低之後，如果你一直等人黎serve你，咁你等到佢收舖都唔會有人黎。
落單要自己行出去叫，餐具要自己攞。其實都唔緊要嘅，問題係一直都冇人同你講，又唔會話你知餐具係邊喎🙄全部嘢都係自己係到摸索
嘢食又等得耐，一個意粉一杯咖啡都可以等半個鐘⋯（非繁忙時間，個陣只有2個客）叫個waffle都可以等20分鍾，仲要勁燶。去過咁多間cafe飲啡食waffle都未試過咁耐，真係唔知點解可以搞咁耐⋯
經歷完前面啲嘢之後，諗住終於可以靜靜地食下野。點知啲staff講野好嘈，仲要句句都有粗口，一開頭我都冇乜嘢，諗住講幾句之後就會停啦，點知食咗咁耐嘢就聽足咁耐粗口😓真係好唔舒服。其實講粗口真係唔係問題，但係既然有客係到係咪應該細聲小小呢？去cafe去到有大排檔咁嘅feel真係第一次😓
The above review is the personal opinion of a user which does not represent OpenRice's point of view.
Like
Dining Method
堂食
