S2 鐵板燒 (已結業)

男朋友生日話想食鐵板燒 㩒open rice見新開就試下啦 點知......首先打去問有冇咩生日優惠，話冇，切餅費要100, 其實都冇所謂。一入到去帶我地坐bar枱位置，成間舖頭都好細。頭盤：好一般，而且個員工可以食食下收左我隻碟？！燒牛舌，with沙津醬？！浪費哂個牛，我剩係食到沙津味，完全唔夾啊。依個已經係我覺得最最最好食。蒜葱好味。好普通既煎魚味。仲有個湯，真係不得了。用個膠袋封住入面得兩舊蜆，味仲衰過紫菜湯，即係麵豉湯都好飲過佢！相都費事影，好伏。服務其差，我同人傾緊計都未話走，個啊姐可以對本野黎叫我比錢埋單？！究竟有冇禮貌？唔係應該放低？點解可以企定定要我停哂手頭上做緊既野講緊既野然後比錢？究竟係乜服務態度啊？真係食完都嬲住走。