車仔麵之家

因為打算寫食評，先至會望吓呢間同事間只簡稱企街車仔麵既角落小舖叫乜名。

雖然有十零款餸可供選擇，但因為食過太多次，基本上已經知道邊款好食，所以嚟嚟去去都係叫嗰四至五款，其中蠔油齋，咖喱魷魚係鐵腳，今次鐵腳外加冬菇及魚蛋。

十次中有九次會揀油麵，覺得同車仔麵至夾，有大中細選擇，呢樣非常貼心，照顧不同胃口既需要。

1

中油麵＋蠔油齋＋咖喱魷魚＋冬菇＋魚蛋＋少辣

曾有一次瞄到有鴨頭响爐頭既湯入面，唔怪得個湯底味道咁濃。