影片
更多
2020-01-17
251 瀏覽
本身同朋友中午食個飯，估唔到其惡劣嘅服務態度令我忍唔著要開open rice account評論。 係論及其服務態度之前，先評論其食物質素，由於本身並沒有打算寫食評故沒有照片，只能以文字敘述。 午餐二款前菜+主菜 $88 前菜選擇玉子卷及另一款類似涼拌嘅食物。玉子卷沾上七味粉及沙律醬，其質感頗為粗糙，略多嘅七味粉令玉子卷過鹹，佐以跟餐的茶才能消解。另一款涼拌無特別之處，但其調味相對亦較濃厚。 主菜則是汁燒帆立貝，同樣地，主菜使用的汁醬亦偏咸，但並無太大問題。 然而，作為曾就讀培正幼稚園到中學的學生，加上在勝利道生活20多年的街坊，即使以往係其他餐廳亦從未試過被員工呼喝。 由於是第一次到餐廳光顧，加上是日day off 中午瞓醒無耐，未清楚付款形式，結帳時因現金不足，打算詢問能否以EPS或信用卡。 我承認當時未夠醒，問咗幾次，本意想問唔收AE卡，餐廳仲收唔收EPS，職員用極其惡劣語氣並重複三次回答： 「淨係收AE卡呀！」 「淨係收AE卡呀！」 「淨係收AE卡呀！」 當時並非煩忙時間，身後亦無其他顧客排隊，我認我唔夠醒目，但自問態度客氣，都唔駛亦
本身同朋友中午食個飯，估唔到其惡劣嘅服務態度令我忍唔著要開open rice account評論。
係論及其服務態度之前，先評論其食物質素，由於本身並沒有打算寫食評故沒有照片，只能以文字敘述。
午餐二款前菜+主菜 $88
前菜選擇玉子卷及另一款類似涼拌嘅食物。玉子卷沾上七味粉及沙律醬，其質感頗為粗糙，略多嘅七味粉令玉子卷過鹹，佐以跟餐的茶才能消解。另一款涼拌無特別之處，但其調味相對亦較濃厚。
主菜則是汁燒帆立貝，同樣地，主菜使用的汁醬亦偏咸，但並無太大問題。
然而，作為曾就讀培正幼稚園到中學的學生，加上在勝利道生活20多年的街坊，即使以往係其他餐廳亦從未試過被員工呼喝。
由於是第一次到餐廳光顧，加上是日day off 中午瞓醒無耐，未清楚付款形式，結帳時因現金不足，打算詢問能否以EPS或信用卡。
我承認當時未夠醒，問咗幾次，本意想問唔收AE卡，餐廳仲收唔收EPS，職員用極其惡劣語氣並重複三次回答：
「淨係收AE卡呀！」
「淨係收AE卡呀！」
「淨係收AE卡呀！」
當時並非煩忙時間，身後亦無其他顧客排隊，我認我唔夠醒目，但自問態度客氣，都唔駛亦唔應該受你氣呀大佬，你諗下一個客人要幾唔忿氣先要係openrice開 account 打成五百幾字話員工態度唔好，本身仲諗住係舊生師兄開嚟支持下，結果仲要受氣。
第一次食亦最後一次食。
張貼