影片
更多
2023-07-02
155 瀏覽
以前入流浮山狗場做義工都會經過呢一間外表咁靚嘅建築物但一直都唔知係乜嚟原來係一間Cafe竟然喺流浮山人人都食海鮮嘅地方開Cafe有啲咩人會咁無聊特登去幫襯❔就係我地呢啲放假百無聊賴嘅人😂話說有個friend成日周圍食港女Tea set佢上OP見到個Tea set覺得幾精神個環境又chill適合打卡(最終食完影咗勁耐相😂）又可以順便入流浮山買下嘢俾人劏吓😁所以就山長水遠入去試吓佢呢間Cafe喺正流浮山個迴旋處成棟藍色牆身又有天使壁畫一定唔會搵唔到入到去有得揀坐室內定室外露天茶座因為當日真係太熱烈日當空我地二話不說就已經衝咗入去餐廳餐廳裡面貫徹始終同外牆一樣全部都係藍色不過有啲暗我地叫咗個Tea Set (父親節版)包兩杯嘢飲 (普通飲品/特飲要額外買無得補差價)三個人怕餓親加多一個松露薯條好喇好快侍應就上菜首先係上左一碌樹幹隨後再拎住一盤點心過嚟相信就係我地嘅Tea set個Tea set第一眼望落去真係有少少嘩然因為佢每一樣嘢都細過一盒麥樂雞醬除咗嗰杯菠蘿啫喱(唯一覺得好食🥲）因為啲食物係幾特別嘅又黑蒜又腐乳個侍應將盤上面嘅cake逐一拎住喺手再噏一輪介紹再放上棵樹(唔明點解要拎住嚟講
都會經過呢一間外表咁靚嘅建築物
但一直都唔知係乜嚟原來係一間Cafe
竟然喺流浮山人人都食海鮮嘅地方開Cafe
有啲咩人會咁無聊特登去幫襯❔
就係我地呢啲放假百無聊賴嘅人😂
話說有個friend成日周圍食港女Tea set
佢上OP見到個Tea set覺得幾精神
個環境又chill適合打卡(最終食完影咗勁耐相😂）
又可以順便入流浮山買下嘢俾人劏吓😁
所以就山長水遠入去試吓佢
呢間Cafe喺正流浮山個迴旋處
成棟藍色牆身又有天使壁畫一定唔會搵唔到
入到去有得揀坐室內定室外露天茶座
因為當日真係太熱烈日當空
我地二話不說就已經衝咗入去餐廳
餐廳裡面貫徹始終同外牆一樣全部都係藍色不過有啲暗
我地叫咗個Tea Set (父親節版)
包兩杯嘢飲 (普通飲品/特飲要額外買無得補差價)
三個人怕餓親加多一個松露薯條
好喇好快侍應就上菜首先係上左一碌樹幹
隨後再拎住一盤點心過嚟相信就係我地嘅Tea set
個Tea set第一眼望落去真係有少少嘩然
因為佢每一樣嘢都細過一盒麥樂雞醬
除咗嗰杯菠蘿啫喱(唯一覺得好食🥲）
因為啲食物係幾特別嘅又黑蒜又腐乳
個侍應將盤上面嘅cake逐一拎住喺手
再噏一輪介紹再放上棵樹(唔明點解要拎住嚟講😂)
期間應該唔多唔少會有啲口水唔小心掛咗上去
算啦唔好掃興平時茶餐廳仲多口水
所以我地耐心聽完所有介紹之後就開動嚕💕
💚牛油果醬蟹肉沙律牛角包
同平時嘅味道沒兩樣正常發揮
蟹肉唔知係唔係因為係流浮山嘅關係都幾鮮甜哈哈
🧡腐乳貝殼蛋糕
講真我食唔到任何嘅腐乳味
淨係覺得個Aftertaste有啲辣味
但佢成個蛋糕味又有啲偏甜🙄
💙海鹽榛子牛奶朱古力忌廉
睇個造型以為係可麗露原來係一粒朱古力
一層牛奶朱古力入面包住啲cream
甜我俾10個甜我鍾意食朱古力但呢個實在無乜層次
💛 香蕉花生慕絲
(同上)一層牛奶朱古力入面包住啲cream
甜我俾10個甜我鍾意食朱古力但呢個實在無乜層次
仲要以我一個最憎香蕉嘅人我都食唔出有香蕉味🤯
🤎Tiramisu 咖啡杯
一粒大富翁鬍鬚佬造型嘅朱古力
(同上😂)一層牛奶朱古力入面包住啲cream
甜我俾10個甜我鍾意食朱古力但呢個實在無乜層次
Tiramisu最緊要就係個酒味同埋咖啡味
但係呢兩樣我都唔覺得好突出🙁
💚青檸菠蘿果凍
呢樣係唯一一樣我覺得比較好食嘅嘢
個造型好似一杯啤酒啲泡泡係青檸味泡泡
啫喱唔係好彈牙嗰啲比較水狀
酸酸甜甜不死甜真係食到個層次感
不過呢個宣稱裏面有酒嘅成份但係都係食唔出
🖤黑蒜鬆餅/原味鬆餅
其實整大件少少係唔係真係咁難
你想像下件鬆餅就好似一個麥當勞咖啡奶咁大🫥
個黑蒜鬆餅聞落去真係好大陣蒜頭味
完全蓋過咗鬆餅嘅麵粉香
而佢俾clotted cream 我覺得直頭係牛油嚟🙄
係咪恰流浮山人食得少鬆餅
不過呢個純粹我個人意見
可能佢只係另一款我未食過嘅clotted cream🫢
🍟松露薯條最正常
好彩有你咋松露薯條
如果唔係我呢個下午茶都唔知點樣過😭😭😭
價錢$568 (+10%)💢
好彩今次係同好朋友去
吹水為主食物只係其次
如果唔係心情一定好差😂😂
俾燈💡
5/10 （有3分係俾出面嘅打卡位）
張貼
