愛上米線 (漆咸道南) (已結業)

愛上米線 - 尖沙咀去開尖沙咀拎野又有啲想食米線，於是上裝睇下有咩推介，搵搵下諗起之前經過見到既呢間裝修幾特別的一間米線舖頭，於是決心走去試一試。店舖裝修主要紙白色瓷磚同紅黑色配搭為主，座位距離夠寬躺，職員都很熱心，值得一讚。今次就叫左兩個午市套餐組合，套餐仲要配送飲品，非常抵食功夫魚腐川香麻辣湯米緣冰感冬瓜茶 $63世一酸菜魚湯米線鮮檸檬特飲 $56首先講講個魚腐川香麻辣湯米緣，表面充滿辣椒油，令到整碗麵油感非常重，麻辣辣度選擇左微辣，所以屬於可接受麻辣程度範圍。共有五粒魚腐，每粒到帶有淡淡的陳皮味道及鯪魚肉的味道，但味道比較一般。另外，冰感冬瓜茶幾特別，甜甜的味道內有啫喱口感的冰粉於杯底，飲落都幾有趣。另外，酸菜魚湯米線的酸味剛剛好，魚肉主要係用魚柳份量都幾多佈滿成個碗，值得一讚，魚肉都幾滑，兩碗既米線都很大份量，幾抵食。至於鮮檸檬特飲酸酸甜甜的，非常開胃，陣陣的檸檬味都幾清新。