ZAKS (已結業)

假日同男友去離島玩下，傍晚就揀咗呢間近海邊的西餐廳食飯。餐廳很大，環境唔錯，有不少外國人食飯飲酒，感覺好似去咗外國咁（幻想中）。我們叫咗個蝦堡配薯條，一個煙肉芝士闊麵。佢個餐個份量好大，我們都係勉強食哂（真係好飽）。個蝦堡Ｄ醬好好味，個麵就好creamy，味道都唔錯。價錢唔貴，都幾抵。不過我覺得呢間餐廳雖然有海景，但浪漫欠奉，因為人客多就好嘈。反而Ｄ食物同環境適合一大班朋友把酒暢談，大快朵頤。