Triple O's by White Spot (太古廣場二座)

營業中

休息中

同男友專登來試...眼闊肚窄..叫左兩個burger餐..再夠膽死叫多份炸雞..我要左mushroom burger..真係好大個...我張大個口都咬唔到..好好笑..要咁住個包先咬到...真係好好味..包好軟..牛肉好多肉汁..係一級既靚免治牛肉..磨菇好多好大片..係白色既鮮磨菇..好好味呀..個醬先正呀..個類似芝士醬既醬非常好味..好creamy..好香好多...成個包既肉汁..磨菇汁..芝士醬..好夾..好juicy..好rich..超好味..可惜食左三份二都飽到暈..唯有放棄好好味既其中一塊包底..咁先完成到個burger..炸雞好好味..個蜜糖芥茉醬超好味..酸酸甜甜..好得..雞好滑好有雞味..絕對唔係雪雞..熱辣辣..脆卜卜..好味..薯條其實都好味..大大條..唔會太油同太多粉..反而淡淡薯仔..不過..我食左三條就投哂降..因為真係好飽..!!奶昔唔太好飲..建議飲鮮橙汁好過..因為個包同薯條己經超飽..奶昔好滯..最好唔好..配汽水或橙汁消下滯好過...呢到既burger真係好好味....雖然係貴..但真係一分錢一分貨架...絕對好味過好多steak house