首先, 價錢係一般深水埗現在嘅價錢貴四十幾蚊一個午餐左右, 一心諗住佢應該好味嘅。
首先講就係呢個"大大豬扒飯跟蒜蓉汁", 完全違反商品說明條例: 又唔大塊, 又唔完整, 賣相極差。 而味道: 普通得一般以下。 所謂嘅"秘製蒜蓉汁", 係直頭可以話係唔好味嘅。
另外, 叫咗嗰個常餐B"芫茜皮蛋鮮豬潤肉片湯米線配蔥花炒蛋", 我真係估唔到原來佢個份量係咁細, 正常成年人冇辦法食得飽。寫就寫得好聽、好吸引係「鮮豬潤」, 但乾噌噌、薄切切。 米線嘅質感太林。 湯底又一陣腥味。唉... 勁失望!
餐飲好細杯, 熱奶茶唔夠熱。
得個"例湯"見得下人。
冇下次!
