鈴木珈啡館 (已結業)

放工同個舊同事食飯，約在朗豪坊等。朗豪坊有咁多食肆，要揀一間其實都幾困難。行行下，舊同事突然醒起有人介紹過佢去Suzuki，於是就去試試。竟然唔使等位。見佢既裝修都唔錯，幾舒服，食物選擇唔係特別多。我們點了一個牛肉pizza和一份什菌雞肉意粉share食，另外再每人點一杯飲品。什菌雞肉意粉賣相唔錯，幾精緻，可惜份量較小。味道還可，好多種菇類都好新鮮爽口，雞肉亦入味。個pizza又係看似幾得，但就薄薄的細細個，每人只可分兩件。味道尚可，醬汁有少少辛辣，不過都可以接受。飲品既咖啡奶昔似係幾得，而我就只係要杯最普通既凍檸茶，一般啦！幾喜歡佢在檯上擺放的一盆小植物，給我一種好relax既感覺。辛勞過後去一間環境舒服既餐廳食一餐飯，成個人都開心番。