必勝客 (已結業)

因老婆鐘意食意式風情﹐所以叫左一個意式風情厚大批同埋一個什菌意大利飯。因六點幾就到﹐所以食客唔多﹐被安排坐半圓形sofa位﹐坐得幾舒服。食物方面一向都覺得pizza hut有保證﹐唔會衰得去邊。雖然Pizza 質素如常好食﹐但料就好明顯比舊陣時少﹐仲要佢地靜靜地差唔多一年前張大或普通pizza既size整細1-2inches。但價錢就一路加。什菌意大利飯味道幾好﹐什菌其實係三種菌﹕冬菰﹐靈芝菰同埋蘑菰。飯既味道唔會好鹹﹐食得出好似用史雲生雞湯煮過。用來送個pizza幾好。pizza鹹﹐飯淡淡地可以洗洗舌頭既鹹味。因有外賣81折coupon﹐所以買多個超級至尊大批番屋企放係冰格等第時慢慢享用。