甘味讚岐手打烏冬 (已結業)

呢間甘味食過好多次，感覺質素比以前差左少少。前2日同朋友食飯，叫左4個烏冬，吉列豬扒，雞翼，燒汁雞扒同餃子，蕃茄湯底保持到水準，仍然係好濃鮮蕃茄味，但係個吉豬同雞扒就細件左一半，雖然個份量少左，但雞扒個燒汁仍然好味。雞翼同餃子就同以前差不多，不過不失。雖然係細份左，但味道都仲可以保持水準，但係服務態度就要差評一下，入座帶完位連餐牌都唔記得比，要我地問佢先記得，不過都講左唔好意思，可以原諒。但係食完叫埋單叫左4次都無人理，最後要我地自己行埋去同個服務員埋單比錢，找錢既時候仲要放低就調頭走左去，當時鋪頭d人都走得七七八八，唔知仲以為佢地咁急係咪有咩急事要辦。