滿記甜品 (西港城) (已結業)

之前同朋友喺上環行街，經過西港城見到有滿記甜品，都好耐無食過，所以就入咗去坐下。一入到去見到有個叫做白雪黑珍珠嘅甜品，見到張圖好似幾吸引咁，所以就order咗2份。等咗大概5-10分鐘左右就叫到我地number。原本睇圖都以為係幾大杯，但係點知個糖水份量頗細，大概應該係女仔自己一個人食嘅份量。不過好彩食落都唔錯，除咗有紅豆、芋圓等普通材料之外，最加分嘅係佢有芋泥，都算係幾特別。甜度都正常，不過如果平少少就好啦。