茶木‧台式休閒餐廳 (PopCorn 1)

營業中

休息中

見茶木係popcorn新開捧下場，早幾日同老公去食，叫左一個奶油吐司同鹽酥雞排麵兩個人食，我地本身都唔太肚餓，因為下午茶時段食，但佢地係冇下午茶既！個麵底勁少連我食完都覺得唔夠飽。講緊係一個常餐但份量好似一碗飯碗滿既麵放落大湯碗咁，我就覺得唔多抵食喇！臨走可以用消費單憑單買一杯可以半價！但叫野飲個度又棟左第二個優惠，係買兩杯第二杯半價，咁我地就叫左水果茶同珍珠奶茶，但結果佢收左我地第二個優惠既價錢！兩個其實差幾蚊！問個職員佢話係system既問題收錯錢！之後佢叫左個經理黎，就話都係system既問題！之後個經理話用八達通唔可以退返差價！我好客氣話咁樣唔係幾make sense 喎！佢就帶點悔氣咁話：「小姐，無謂為為左個幾蚊而拗，差幾多？我退返比你！」比我既感覺係錯在我！Sorry 經理哥哥，我為既唔係你個幾蚊囉！而係想你地正視下你地system既問題！我相信唔只我同我老公會覺混淆，你地兩個牌痴埋一齊，係消費者梗係會計下數邊個抵啲架啦！點知你地部機唔work有錯仲要講到係我錯咁！下次有無coupon 都唔會再幫襯！