同fd嗌佐北海丼同吉列豬扒拉麵😳兩樣既份量都好大份！超級抵食啊😳👍兩set都附送沙律同野飲，野飲係清甜既桃汁😋北海丼仲附送面豉湯
🍱北海丼有三文魚、生蝦、獅魚、北寄貝、帶子😋三文魚同獅魚都係厚切，口感豐富冇雪藏味👍北寄貝口感爽彈配醋飯一流，帶子大大粒一開二，食完好似溶咗入過海入邊咁 超鮮甜😳另外提一提佢哋用既係真既山葵，唔係溝粉開既，有顆粒感仲見到d纖維👍可見用料唔馬虎👍
吉列豬扒拉麵😳湯底好香，唔會太鹹份量好大，碗深不見底😂好多拉麵！食極都仲有！配料份量都好多例如有半粒溏心蛋，唔會好快就食嗮😋豬扒都好大塊，同我塊面差唔多大的feel😂細心幫我地切好👍岩岩新鮮炸出好香口，皮較薄唔會厚粉or太油，送沙律醬好正😋
總括而言見到呢間餐廳既食材用料用心，份量好足😳中意日本野食值得一試！
