禾牛薈火煱館 (南角道) (已結業)

好耐冇食禾牛薈，今次試吓佢個台式麻辣火鍋，鴨血麻麻哋，整體一般。叫咗一碟鴨舌好細碟但係佢一半竟然放青瓜！68蚊得少少，感覺好失望。另外叫咗一碟黑木耳竟然得幾塊，下面全部都係椰菜絲充撐，木耳都已經唔係貴野啦點解可以比得幾塊？唔抵食🙁另外叫咗萵筍，冬瓜，再加牛肉。牛肉質素OK嘅，生蝦都好食，另外我食過佢生牛肉他他刺身都幾好食嘅，不過今次係覺得佢份量比較少而價錢貴，所以下次會幫襯其他火鍋店。兩個人食咗唔算好多野埋單八百幾蚊。