所有野好多大份
先黎一大碗沙律 再黎一大碟意粉
比意粉既份量嚇親 第一次見意粉會裝滿一個大碟
1️⃣黑松露純素意粉（燕麥奶）
完全冇黑松露味
有少少菇味 菇既份量都算多
冇平時白汁意粉既cream味（個人幾中意 因為當日唔想食太heavy）
2️⃣素蟹肉炒意粉
蟹肉冇咩味
三色椒同車厘茄食落都幾fresh
整體黎講
幾好既係兩個意粉都唔會濟 因為冇平時既pasta咁油
如果想食健康啲 都係一個唔錯既選擇
但味道唔算特別
同埋份量太多 會好飽 要同人share
服務方面都幾差
店員只顧住包外賣 完全冇人招呼
但奧運折扣下 平均一個set $74 性價比都算唔錯
