羅勇泰國粉麵 (已結業)

前排喺網上見到呢間餐廳有人推介，今日同男朋友經過，就順便入去試吓。餐牌選擇都幾多，我同男朋友分別點左咗什錦湯金邊粉同埋豬肉什錦湯河。粉麵上枱時賣相麵都幾吸引。什錦湯金邊粉上面就有魚蛋、牛丸、扎肉、芽菜等等嘅配料。但飲落啲湯就覺得就淡而無味，食落覺得冇乜特別。而我碗湯河呢就有豬肉同埋豬肉丸。比較特別嘅係佢哋嘅河粉有別於我哋平時一般食開嘅，佢哋嘅河粉係非常之粗，我都係第一次見。但係粉麵嘅份量實在太少。以我女仔來講，食完都完全唔飽。＄48有啲唔係好抵食，所以下次可能會嗌飯，感覺會飽肚啲。