大利茶餐廳 (已結業)

下班去大圍攞野，經過這間茶餐廳，裡面好多客人，9成滿座，決定入去試下。第一次來，店來燈光通明，環境都幾乾淨。我叫了椒鹽豬扒飯，等了幾分鐘上枱，好快。豬扒份量好多，蓋住曬d飯。首先加點鼓油，甜鼓油是另上的，好欣賞，可以自己決定咸味。咬落去塊豬扒熱辣辣，好夠味，豬肉唔乾，好有肉汁，好好口感。表層炸得略嫌唔夠香脆，但味道很好。白飯好味，不會太軟太硬，蒸得剛剛好。碟頭飯來講價錢實惠，＄50個飯＋＄7凍檸水，味道好，性價比高。侍應姐姐説話比較豪邁，但是有禮貌的。餐具，枱面都乾淨。整體感覺很好，會再幫襯。