魚米家魚湯米線 (已結業)

唻到紅磡要快快趣趣食,又唔想等位,所以就入咗嚟.魚腐蜆蚧米線嚟到呢到就一定要食魚腐，魚腐炸到金黃色，漲卜卜，咬落去軟綿綿，魚味一定冇咩，但水準非常穩定，合格！如果喜愛重啲味，可以要求加多少少蜆蚧！豬軟骨炆飯所謂炆飯其實係意大利飯，個名又改得幾得意喎，個飯就一定唔會煮到意大利口味硬身好似生米咁，但又太過淋同軟身，呵呵，如果加埋芝士就正囉，豬軟骨份量多，味道始終唔夠濃郁，但以份量加價錢，算係抵食嘅。魚湯雜菜飯魚湯味唔夠濃，分量都係大，清清地，雜菜亦有好多唔同種類，亦有菇類，腸胃唔好可以考慮。以晚飯唻講，份量同價錢絕對可以接受，味道唔係超水準但絕對可以入得口，可再光顧！