坐忘

營業中

休息中

今日啱啱見完工，見就嚟到午餐時間，就同朋友一齊起附近搵野食。由於諗唔到食咩好，於是決定跟朋友嚟佢推薦嘅餐廳食咖哩。因為未到附近公司嘅放飯時間，我地唔駛排隊就入到去，朋友話依度嘅豬軟骨好好食，雞扒就麻麻，於是決定聽佢講，叫咗豬軟軟骨咖哩飯。飯會跟一杯熱或者凍嘅煎茶，其他野飲就另外加錢。唔駛5分鐘咖哩飯就送到，睇落份量十足，有成3-4舊豬軟骨，舊舊都炆得好淋，蔬菜嘅份量同種類亦唔少。飯唔係普通嘅白飯，而係加咗粟米同蕃薯。咖哩係平時食開嘅日式咖哩，唔會好辣。成碟飯嘅份量好多，最後我地都食唔曬。個飯原本要$69，但係12：45前離坐有95折，所以埋單$66。