東京築地拉麵 (已結業)

同屯門友食返個lunch, 兩人都叫咗款黃金豚骨拉麵，睇嚟呢款係最吸引同經濟，同埋初次報到食個最基本嘅睇吓有咩底蘊。呢碗麵有齊基本拉麵嘅配料，又有肥嘟嘟嘅豚肉，太肥嘞，唔敢食晒啲肥膏。最重要係有隻糖心蛋，感覺好似抵咗，因為一隻又要加幾蚊至10蚊。至於個湯底，夠濃，不過重味精少少；而個麵質就不錯，喜歡硬少少嘅。兩個大胃為食妹每次去食野都叫多幾款試，叫多款小食，叫「純情豬菇力卷」。凈係睇個名，就知係金菇豚肉卷啦！豚肉夠薄，緊緊咁包住啲金菇，一啖一個，食落好rich，又唔會食到散修修。一碟有八舊，經濟，飽肚，味美。