天馬快餐 (已結業)

今日行經愛民邨，本想到附近大排檔醫肚，但離遠見到愛民商場入面有間天馬快餐，抱住"試新嘢"的心態就入咗去試。舖面相當細，坐了三四個人已有逼爆的感覺，好彩最後都俾我搵到"一"個位，呢餐先得以繼續。於是我點了一個茄汁吉烈豬扒意粉，盛惠$20大元。吉烈豬扒的味道不俗，意粉一般，但茄汁則過酸且無蕃茄味。另外份量真的偏少，吃了幾口，意粉已所餘無幾了。