影片
更多
2007-06-23
33 瀏覽
17/06 星期日下午，一星期前已訂定五位呢日父親節同家人及男友嚟食下午茶了。自從睇咗呢度嘅食評，期待已久喇！真係要試下有幾低食先~我哋個個都係第一次喺"小肥羊"飲茶，好彩可以準時二點入座。呢間分店共有５９樣嘢係可以任點任食，食咗啲咩就真係不能盡錄喇！但我數過我哋五個大食嘅成人(兩男三女)總共食咗４２碟/碗嘅嘢落肚，另外有三樣係漏咗單冇嚟過，漏咗嘅就係"特式奶皇飽"、"金菇牛肉球"同埋"紅油抄手"。我覺得最好味同食得最多嘅係"蒜香小肥羊春卷"-必食，因為其他酒樓唔會有呢樣嘢食，好脆好香好味，但係多油咗啲，共食咗三份，而我自己都食咗一份(即係三條)。第二樣就係"柑柚子桂花糕"-食入口就覺得好清甜，又有柚子嘅香味，都係共食咗三碟呀。我媽就最鍾意食"海王鮮蝦餃"-佢要求一度追加，結果共食咗四籠，有１６隻我只係食咗２隻唧！我老爹就比較鍾意食"蒜香小肥羊春卷"同埋"薯茸炸蝦筒"-都有好多蝦喺裹面架，啲蝦又爽喎！我婆就話最好味係"海王鮮蝦餃"、"豉汁蒸肉排"-夠味又肥瘦適中同埋"椰汁綠豆糕"-唔知點講，總之係好味道喎！有幾樣我哋食過之後大家覺得唔會再叫嘅嘢食係"瑤柱灌湯餃"-太淡冇乜味、"羊肉飽子
呢間分店共有５９樣嘢係可以任點任食，食咗啲咩就真係不能盡錄喇！但我數過我哋五個大食嘅成人(兩男三女)總共食咗４２碟/碗嘅嘢落肚，另外有三樣係漏咗單冇嚟過，漏咗嘅就係"特式奶皇飽"、"金菇牛肉球"同埋"紅油抄手"。
我覺得最好味同食得最多嘅係"蒜香小肥羊春卷"-必食，因為其他酒樓唔會有呢樣嘢食，好脆好香好味，但係多油咗啲，共食咗三份，而我自己都食咗一份(即係三條)。第二樣就係"柑柚子桂花糕"-食入口就覺得好清甜，又有柚子嘅香味，都係共食咗三碟呀。
我媽就最鍾意食"海王鮮蝦餃"-佢要求一度追加，結果共食咗四籠，有１６隻我只係食咗２隻唧！
我老爹就比較鍾意食"蒜香小肥羊春卷"同埋"薯茸炸蝦筒"-都有好多蝦喺裹面架，啲蝦又爽喎！
我婆就話最好味係"海王鮮蝦餃"、"豉汁蒸肉排"-夠味又肥瘦適中同埋"椰汁綠豆糕"-唔知點講，總之係好味道喎！
有幾樣我哋食過之後大家覺得唔會再叫嘅嘢食係"瑤柱灌湯餃"-太淡冇乜味、"羊肉飽子"-雖然只係兩個包，但係每個都仲大過叉燒飽少少，睇見佢都飽哂喇，唔洗再食其他嘢啦、"涼瓜羊肉水餃"-涼瓜太苦再溝埋羊肉食，味道好怪咁、"香辣雞絲粉皮"-唔香又唔辣，普通又冇味。
不過我哋都覺得整體嘅嘢食質素都真係唔錯架喇，再加上價錢咁平，點心又即叫即蒸，仲多選擇過好多酒樓，值得再嚟食。今次下午茶１４：００-１６：００，每位＄４０，茶芥每位＄６連埋加一後，五個人總共＄２５３。下次會試下去旺角分店下午茶，我見到呢兩間分店點心紙嘅嘢食係有幾樣唔同架！地方就應該呢度好過旺角嘅。
張貼
