餐廳係用無油煙的燒烤爐，韓國的家庭係屋企食燒肉都係用呢種架，個身就會無乜油煙味，又靜，受熱都好均勻！
今日我地叫左韓牛韓燒定量午市餐，有牛肋骨、牛肩胛、黑豚五花腩、雞腿肉同青口，以上的項品係定量的，出面的飲品同沙律小食吧就係任飲任食的😆 d前菜我好鍾意食，醃得好入味又新鮮爽口！
飲品方面除左汽水以外都有唔少韓式飲品👍🏻
肉類的擺盤相當靚，五花腩擺到好似一朵花甘樣，每一格都有蔬菜添，係一個健康的午餐盒，蝦大隻新鮮，牛易咬開無渣，肥瘦均衡
我地仲叫左個海鮮石腐鍋，入面有蝦同青口同豆腐，仲有d粟米同瓜，加埋大醬同白飯甘食係超配搭👍🏻👍🏻
