華苑酒家 (已搬遷)

任食蒸氣海鮮，聽到$2xx仲任食，真心覺得抵食20:30入座$238，星期五六日及假期加$20，茶芥醬油$10。呢間海鮮真係好新鮮😍😍個餐包自選4款時令海鮮，今次揀咗蟶子皇，鮑魚，海中蝦，龍躉。任食配料都幾十款，有蟲草花杞子蒸雞，和牛粒，和牛片，豬頸肉，鯪魚丸，鮮蝦丸，墨魚丸，勝瓜，金菇，唐生菜，白菜仔，馬拉糕，蜂巢糕...淨係食蒸配料都飽到頂住呀！除咗4款海鮮，其他全部任食汽水啤酒任飲
侍應好周到...會幫你放入蒸鍋，設定好時間，夠鐘就會起菜上碟，服務唔錯其實蒸緊嘅時間可以傾吓計，仲方便過去烚吓烚吓啦！打邊爐有時會烚過龍變得唔好食！