牛川日本和牛專門店 (已結業)

-🔸尊貴A5日本和牛放題 $458@-放假同男朋友出銅鑼灣行街，行到攰攰哋就去食和牛燒肉，4百零蚊一位有A5級和牛任食，非常高質。一坐低就送上A5和牛拼盤、海鮮拼盤、和牛沙律、仲有和牛美人配玉子。和牛拼盤有齊一頭牛嘅唔同部位，例如後腰肉、牛柳、牛冧、牛肩肉、最正牛油味嘅牛五花同牛頸脊，拼盤上都會有牌仔提示唔同肉嘅部位，所以鍾意邊個部位就可以再落單啦～除咗燒烤類食材，其他食物都可以掃QR code落單，例如刺身、壽司、炸物、一品料理等等，選擇應有盡有。好推介辣酒煮蜆、牛油金菇、溫泉蛋和牛炒飯、和牛漢堡扒，都非常好味。另外，飲品就自助形式，個人最愛樽裝冷泡茶，清香解膩一流！