影片
更多
2023-04-07
233 瀏覽
今晚食極上大喜屋，聽講佢最近新加咗全香港得佢獨有嘅乾鮑魚任食同埋川式燒蠔即燒即食，啱晒我！所以即刻訂位試吓先。餐廳喺雅蘭中心四樓，地鐵一出就係大喜屋果然係全港第一放題集團，去到時已經人山人海。刺身新鮮呢啲已經係基本條件，我最欣賞係佢嘅創作壽司，冇因為係放題店嘅出品而粗製濫造，睇吓啲相真係件件都做得好精美㗎。最鍾意係佢嘅拖羅蓉壽司，一食就知新鮮貨色，唔似其他舖頭食嗰啲又腥又霉。重點一嘅乾鮑，我嗌親嘅每一round出嘅鮑魚都係色香味俱全，鮑魚汁調配得好，令到本身已經煮得軟腍嘅乾鮑更加鮮味，絕不欺場！就咁食乾鮑都差啲食飽，好彩仲記得另一招牌川式即燒生蠔。燒蠔原殼上，佢調製嘅辣椒蒜蓉同隻蠔一齊燒，食落好有川式風味呢，啲蠔仲要粒粒都好似廣島蠔咁大粒，鹹鮮惹味，食到我停唔到口！其實佢仲有好多其他特色嘢食，例如燒乳鴿，蝦多士等等，每樣食咗啲水準都唔錯。甜品方面，有隻朱古力脆皮雪糕批好好食，出面啲放題店又唔多見有呢個牌子，大家下次去可以食多啲。而家已經諗緊訂定下次幾時再去食，要再掃食鮑魚同燒蠔！！
餐廳喺雅蘭中心四樓，地鐵一出就係
大喜屋果然係全港第一放題集團，去到時已經人山人海。
刺身新鮮呢啲已經係基本條件，我最欣賞係佢嘅創作壽司，冇因為係放題店嘅出品而粗製濫造，睇吓啲相真係件件都做得好精美㗎。
最鍾意係佢嘅拖羅蓉壽司，一食就知新鮮貨色，唔似其他舖頭食嗰啲又腥又霉。
重點一嘅乾鮑，我嗌親嘅每一round出嘅鮑魚都係色香味俱全，鮑魚汁調配得好，令到本身已經煮得軟腍嘅乾鮑更加鮮味，絕不欺場！
就咁食乾鮑都差啲食飽，好彩仲記得另一招牌川式即燒生蠔。燒蠔原殼上，佢調製嘅辣椒蒜蓉同隻蠔一齊燒，食落好有川式風味呢，啲蠔仲要粒粒都好似廣島蠔咁大粒，鹹鮮惹味，食到我停唔到口！
其實佢仲有好多其他特色嘢食，例如燒乳鴿，蝦多士等等，每樣食咗啲水準都唔錯。
甜品方面，有隻朱古力脆皮雪糕批好好食，出面啲放題店又唔多見有呢個牌子，大家下次去可以食多啲。
而家已經諗緊訂定下次幾時再去食，要再掃食鮑魚同燒蠔！！
張貼
