黑樺牛 (已結業)

放暑假真係好開心，襯有午市放題約了同我一樣愛牛的食貨一齊大吃大喝北海道豆乳玫瑰拉絲芝士鍋火鍋湯底造型勁靚，成朵玫瑰花綻放在眼前，⾖乳配上⾹滑的拉絲芝⼠， 呷一口鏗魚湯熬製的原味湯底，濃香的魚味，再加上滑一滑的豆乳芝士鍋，真係香噴噴。鬼馬油炸鬼咬落去酥脆，蝦肉滿滿黏在油炸鬼面層，蟹籽點綴，鮮味十足。麻辣拼盤有麻辣皮蛋，仲要流心的。魚皮爽口、牛𦟌夠稔身，朋友吃得辣，佢覺得麻辣汁足夠，而且很開胃。黑樺牧場盛合，店員端上枱上很有儀式感。層架上層有 A5 和牛，中層梅花豚肉，肉質鮮嫩，下層就有黑松露墨魚滑、蟹籽蝦滑，其中蝦滑的蝦仁甚有口感。海鮮拼盤二人入座就有鮮蝦及牡蠣，店員仲用時間器計時。鮮蝦新鮮，肉質爽口。牡蠣很大隻又飽滿，就甘蒸熟都已經夠咸鮮。我們喜歡食牛的，主力都係食A5熊本黑樺和牛，我哋點了和尚頭，干本筋，牛前胸，特上霜降小排，玉子後腰肉。和牛係任食，我們最印象深刻的是玉子後腰肉，肉質鮮嫩，沾上蛋漿再放入鍋內，勁香軟。