滿屋日本料理 (大鴻輝(荃灣)中心) (已結業)

任食高質海膽放題第二次食荃灣滿屋放題，全因揀佢地個Set D可以任食高質海膽，上次食完覺得啲海膽真係好正，真係淨係食海膽都回到本！今次一嚟就決定拎碗熱湯同熱sake暖左肚先！跟住開始任食刺身叫咗大量我最鍾意嘅蝦、帶子同海膽！另外仲叫左中拖羅同大拖羅海膽超出色！係超有海水味超Fresh!今次都嗌多咗串燒同熱食，例如天婦羅、牛舌、花膠、辣酒煮螺、鮑魚咁，樣樣都好食又熱辣辣！另外壽司都叫咗火炙拖羅壽司、芝士鰻魚壽司、芝士和牛壽司仲喺出邊夾左啲蔬菜同埋菇，估唔到佢啲菇同埋雞翼超好食，好驚喜😂其實一個放題有咁多種唔同款嘅食物，感覺已經好滿足，佢最好嘅位係啲熟食都唔會好大份，唔使驚嗌完會太飽，咁就咩都可以淨係食少少。再加上我要再強調佢嘅海膽好出色，所以俾錢入嚟淨係係咁食海膽都已經值回票價！