斗滾 (適安大廈)

營業中

休息中

香港人一年四季都鐘意打邊爐，呢間仲要有得任食雞煲，見佢價錢又唔算貴，平日都係200 幾蚊，梗係要試下啦! 因為平日都好多人，大家最好預早book 定位。一入到去首先就係食雞煲，可以自己揀咩辣，因為我唔係好食到辣所以叫左最少果隻辣，雞肉幾嫩，少少辣又幾惹味忍唔住encore 多次。食完雞煲之後就可以同職員講，佢地會準備蒸好嘅海鮮比大家打卡影靚相放社交平台海鮮就唔係任食嘅，個人黎講覺得普普通通，有部份貝殼類仲有少少沙，不過200幾蚊都唔好要求咁高喇，有得食算係咁。食完海鮮之後就揀湯底準備打邊爐，我揀左+$38椰子雞湯，好甜好好飲強烈推薦大家試下。雖然係任食不過佢d 牛肉都唔錯，唔係好瘦好難咬個d，其他配料就係出面自己拎，種類唔算多，不過都已經好夠食。