新南苑私房菜火鍋鷄煲 (華僑商業中心) (已搬遷) 新店位置

好耐無食過🐔雞煲，講到雞煲，旺角新南苑好出名，餐廳用上三黃雞，雞肉嫩滑有彈性， 仲可以揀唔辣😃。選擇左每位$178既牛王餐，午市無加一好抵食，包任食雞煲，黑毛和牛肉眼，安格斯牛小排，安格斯肩胛肥牛。我尤其鍾意食和牛，因為佢嘅雪花紋理平均，肥瘦適中，另外仲有超過40款火鍋配料。食完雞煲就可以打邊爐啦，有多款鍋底選擇，我揀咗南瓜花甲，夠清甜。飲品自己拎，我最鍾意佢提供淳茶舍嘅杞子烏龍茶，味道甘甜，有明目功效，夠曬健康。出面仲有啲小食例如麻辣鴨血，鳳爪，螺肉，八爪魚仔等。食完最尾仲每人有一個奶凍，好幼滑，奶味香濃😋😋