餐廳係位於旺角華僑商業中心的［新南苑］，其實就係旺角中心附近。
環境都好大，就算一大班朋友都唔會覺得逼，仲有VIP房添，場內備有電視直播足球賽事，岩哂睇波既朋友:)
我地就係揀左海鮮火鍋半放題套餐$268，包括有一份麻辣雞煲（可無限追加），海鮮拼盤、本地手切牛頸脊、任食火鍋配料、甜品，仲包果汁、汽水、涼茶任飲:)
睇見咁多款食物都只係三百蚊左右，都幾抵食丫～
每次追加只需自己落單比員工，方便又唔怕漏單。
店員首先送上小食——花生雞腳，再詳細介紹套餐、拎飲品位置，非常細心
之後就到食雞煲，聞到已經非常惹味，再炒三次左右就食得，我地掛住傾計都忘記計時，都係店員幫我地整
之後就開始打邊爐了
海鮮拼盤：龍躉片、脆肉鯇、生蠔、海蝦、帶子、貴妃蚌。。
材料非常新鮮，我地最欣賞當中的魚，食落好鮮甜又冇骨
本地手切牛頸脊牛味濃郁，口感軟腍，又唔會太多脂肪，岩哂怕肥的女士們:)
另一驚喜位，估唔到打邊爐都有小籠包
放落鍋中六分鐘左右就食得，仲冇穿到添
質素都唔差，皮唔會太厚
我地揀左清湯，食海鮮就最能夠帶出原本的鮮甜味
之後再加左幾份菜，我地都好飽，冇再追加肉類了。
最後仲有甜品添，係牛奶布丁！:)
