JK Brother’s (已結業)

JK brothers日韓放題和火鍋🍲🍣🍢我地揀左美國穀飼肥牛放題 $268，可以任食醬油鮑魚 醬油蝦😍仲有多款刺身，任夾新鮮海鮮。連飲品都好正，同一般放題完全唔同層次，竟然有果汁，啤酒，清酒，梅酒等，粒粒提子韓國果汁都有，平時單叫一罐都好貴架。食物款式多，質素高，侍應服務又好👍👍近排食過較佳既放題呀😎一坐低侍應介紹湯底先，多款湯底唔知揀邊款好😂有牡蠣土手鍋，海鮮煉獄鍋，步隊鍋，壽喜鍋，田園蕃茄湯，韓式藥膳鍋，人參雞鍋，同日式豬骨鍋。最後揀左人氣之選，牡蠣土手鍋，入面有生蠔，冬菇，娃娃菜，金菇等。蔬菜份量好多，啱曬平時多肉少菜既我地😂海鮮包保新鮮，因爲自己係水缸任夾，種類有沙白蜆，蟶子，蕃薯蜆，珍珠貝等。蜆肉蟶子入面冇沙，正👍到左最期待最抵食既醬油鮑魚同醬油蝦❤️😍一次過叫左兩隻鮑魚同十隻醬油蝦😋鮑魚爽口，兩款食物特別用醬油浸過，好入味，仲有少少辣味，食多幾件先夠喉👍👍刺身三文魚，帶子，皇帝蟹柳等，質素唔錯，新鮮肥美，帶子厚身😋另外仲叫左海膽手卷， 餐廳仲送咗海膽刺身畀我地😍 建議海膽手捲要盡快食，因為遲咗紫菜會變軟喔。海膽新鮮冇腥臭味👍現場有侍應即燒蒜蓉生蠔，即叫即整架，夠曬誠意，估唔