林洪記水產 (已結業)

爸爸同我都好鍾意食海鮮，知道屋企附近坑口村開咗一間蒸海鮮，仲要係任食，冇理由唔過嚟試吓。餐廳地方好地道，大排檔風味，牆壁掛住咗好多唔同嘅套餐餐牌，依度唔止有任食蒸海鮮仲有雞煲同埋羊腩煲。通通都係百幾二百幾任食，所以價錢真係經濟又實惠。食完蒸海鮮嘅時候，店員就會幫你換成上湯打邊爐。海鮮拼盤入邊有龍蝦、鮑魚、大頭蝦、帶子、生蠔款式都好齊全，雖然話啲海鮮唔係話大大隻，但係都食得出係新鮮嘅，唔會係冰鮮貨。職員擺低嘅時候會同你講唔同海鮮要蒸幾耐，咁就唔怕唔知幾時先食得。佢啲安格斯牛小排肉味好重，份量都好多。任食嘅部份呢其實都有好多選，一般嘅肉類蔬菜當然唔少得，亦都有海鮮類嘅嘢，爸爸好驚喜地話竟然有新鮮田雞。我哋就另外點左啲九肚魚，白貝，佢個蟹子墨魚滑，食到粒粒墨魚，真係唔錯。我哋冇選擇任飲，因為佢都有水供應，就叫左支青島啤酒同爸爸兩個啤一啤。