影片
更多
2023-06-17
87 瀏覽
同朋友約少啲人嘅時間食生蠔放題，餐廳裝修唔錯，冷氣溫度適中，音樂就太大聲，見侍應同客人對話成日都要重覆先聽得清。入座15分鐘後先有第一碟食物嚟，限時放題嚟講唔太理想。放題$428一位，收加一，加$78有紅白酒任飲，仲有Sangria，再加$120可以有埋法國蠔，但今次我冇加。白酒麻麻，太淡，紅酒冇叫，Sangria好飲嘅。放題包每人蒜香牛油焗西澳龍蝦半隻及孔雀鮑魚兩隻，但係嚟到竟然係波士頓龍蝦，大大隻鉗肉放埋出嚟，頭頂亦唔見有倒刺，仲要係芝士焗，唔係蒜香牛油，有啲覺得俾佢呃咗，佢放低碟野時亦冇特别交待點解同menu寫嘅唔一致。而鮑魚係唔係孔雀我就唔太識睇，煮法係日式磯煮鮑魚咁。沙律Bar我今日就唔見有。今日食嘅係韓國統營蠔，隻隻都好新鮮好甜，海水比較濃，多肉，唔會得塊皮咁，好抵食。留意返師父唔會幫你剷埋貝柱位。第一round 會俾12隻，之後加蠔每人3隻咁叫。預計每次食完都要等5-10分鐘先食倒下一round。熟食方面一開始會俾碟 洋蔥圈，雞翼加蒜蓉包。炸得幾脆，但我認為炸粉厚咗啲。其他熟食淨係叫咗肉丸(好辣)，pizza，蒜片大蝦同豬肋骨，整體熟食6.5/10分。服務方面就麻麻，覺得
放題$428一位，收加一，加$78有紅白酒任飲，仲有Sangria，再加$120可以有埋法國蠔，但今次我冇加。白酒麻麻，太淡，紅酒冇叫，Sangria好飲嘅。
放題包每人蒜香牛油焗西澳龍蝦半隻及孔雀鮑魚兩隻，但係嚟到竟然係波士頓龍蝦，大大隻鉗肉放埋出嚟，頭頂亦唔見有倒刺，仲要係芝士焗，唔係蒜香牛油，有啲覺得俾佢呃咗，佢放低碟野時亦冇特别交待點解同menu寫嘅唔一致。而鮑魚係唔係孔雀我就唔太識睇，煮法係日式磯煮鮑魚咁。沙律Bar我今日就唔見有。
今日食嘅係韓國統營蠔，隻隻都好新鮮好甜，海水比較濃，多肉，唔會得塊皮咁，好抵食。留意返師父唔會幫你剷埋貝柱位。第一round 會俾12隻，之後加蠔每人3隻咁叫。預計每次食完都要等5-10分鐘先食倒下一round。
熟食方面一開始會俾碟 洋蔥圈，雞翼加蒜蓉包。炸得幾脆，但我認為炸粉厚咗啲。其他熟食淨係叫咗肉丸(好辣)，pizza，蒜片大蝦同豬肋骨，整體熟食6.5/10分。
服務方面就麻麻，覺得好似好難叫倒人嚟加菜咁，明明得3枱客，入面有4,5個樓面，但係個個都唔知忙緊咩咁，有時叫完加蠔，師傅開好咗，見放喺枱幾分鐘都冇人攞過嚟。食完嘅空碟放喺枱半個鐘都冇人嚟收。Refill酒嘅速度都算滿意。
整體7/10, 抵食。
張貼
