校長燒肉日韓料理 (已搬遷) 新店位置

今日我朋友話好想食生蠔，但係又想慳住荷包，所以我決定帶佢嚟呢度，因為上次嚟過，好抵嘅價錢食到高質素嘅生蠔同松業蟹腳，一定滿足到佢嘅要求，我地都係比較早到唔使等位。一般嘅燒肉放題店嘅壽司通常都係麻麻，唔會食太多，但我就推介我朋友喺依度可以放肆咁食壽司，因為佢哋做嘅壽司的確非常有水準，首先佢哋嘅刺身魚生真係好新鮮，壽司飯亦keep到好黏黏質感，唔會好乾，賣相好精緻，係日本料理餐廳嘅水準，刺身方面都一如既往嘅鮮甜好咬口 。可加錢升級任食松葉蟹+生蠔! 不過依家已經冇咗上次嚟食嘅超大隻赤蝦啦，原來店員話來貨貴左好多返唔到貨啦，可惜！於是食生蠔食過夠本啦！生蠔鮮甜夠大隻，海水味重，咬落去有軟滑口感。雖然店舖小小，但肉類方面種類算多，而且醃得好入味。我就幾鍾意呢個蟹子芝士青口，燒溶咗啲芝士配搭青口，入口非常滋味。餃子亦做得唔錯，皮薄餡料多肉汁。每次來都食好多兜牛油粟米，好香甜，一路傾計會食到唔停口。滿足哂食生蠔刺身兼燒肉既慾望，埋單都只係每人3百多，抵丫！