喜多嬉牡蠣屋 (已搬遷) 新店位置

幾個鐘意食蠔既朋友，都話要約黎試下，因為60 分鐘$398 可以任食生蠔、燒蠔、元貝，計落同係出邊餐廳叫一打蠔差唔多都可以回本，所以幾個食量唔大都決定試下！ 黎到知道原來唔任食既話都可以單點，不過既然一心想黎挑戰下就選左60 分鐘。一開始先黎個9 宮格前菜拼盤，用蠔製作唔同既特色前菜，個人覺得個茶漬飯幾驚喜！之後就開始食生蠔，隻隻開出黎都好新鮮同飽滿。另外餐廳會提供6 款調味醬，不過我個人偏好食原汁原味，因為咁先可以食到生蠔既鮮味。食完幾Round 生蠔，我地都叫左熟蠔。個熟蠔的咸鮮度更加濃郁，煮熟左既蠔依然粒粒飽滿。除左蠔之外，另外仲單點左啲串燒，幾好味。最後加加埋埋都唔知食左幾多，不過已經好滿足！ 唯一就係餐廳坐位位置比較少，眼見得幾張台，要一早預訂先食到！