燒蝦蝦 (興泰大廈) (已結業)

最近迷上食流水蝦，之前去過元朗的燒蝦蝦，已經係食過返尋味，今次近屯門就特地來呢邊食，真係滿心歡喜。呢度係地舖，門口有個好大個蝦蝦充氣公仔可以打卡，環境也是十分精美。我們選擇了門口靠蝦缸的位置，方便夾蝦，夾蝦真係好好玩，D蝦非常生猛同新鮮，放上燒爐度燒真係好過癮。另外我最鍾意就係呢度海鮮任食，有海螺，魚，生蠔，扇貝，鮑魚等等，肉類也有牛仔骨，豬排，牛排，牛仔粒。另外亦有蔬菜類，有菜有菰，應有盡有，見到都想樣樣都試啊。其實睇住D野食燒下燒下，想食蝦又可以夾下，都幾得意，食燒蝦蝦絕對係邊玩邊食，樂趣滿滿。另外仲有熟食，以防有D客人肚餓等不及燒野食，野飲，汽水，雪糕，啤酒也是任飲任食，十分正，絕對會再翻食。