鐵魚川式食堂 (已結業)

朋友生日想打邊爐, 佢好鍾意食海鮮, 我見呢到有任食海鮮, 加上個湯底, 係用烤魚食法, 幾特別, 而且食評唔錯, 所以預早book 定4位, 成班朋友黎試下。黎到比左間房我地, 咁樣我地傾得更加暢所欲言!有幾款鍋底選擇, 我地就選左平時少食既青檸越式烤魚, 職員介紹有分淡水同鹹水魚, 我地選左鹹水魚沙巴龍。前菜有好幾款, 有青瓜, 芽菜, 雲耳, 沙律菜等, 都幾好食, 仲可以無限添加!沙巴龍都幾大條, 湯滾後, 職員幫我地分開幾件, 方便進食, 配上青檸越式湯底, 魚肉嫩滑, 酸酸地, 幾醒胃, 加上魚骨比較大條, 唔會咁易啃親。職員先準備4人份量海鮮, 相當豐富, 鮑魚同扇貝每人送1隻, 追加另收費, 其餘既海鮮就任食。海鮮好新鮮鮮甜, 蝦, 蠔都好大隻, 白鱔片, 好彈口。牛肉厚薄適中, 唔會太薄, 食落好香牛肉味, 西班牙豚肉食落有口勁!牛舌厚切, 有嚼勁! 仲有我至愛既台灣黑椒腸。好小打邊爐有得任食。飲品有菊花薑茶同紅桑梅茶, 紅桑梅茶好解渴, 好清涼!