平昌 (已結業)

今日去咗樂富廣場食平昌， 依家我喺旺角已經知道好出名，成日要排隊，而家新開嘅咁近屋企，梗係要幫襯下啦！一到步，已經見入面坐滿食客，裝修好有特色，完全係韓國嘅燒肉舖咁，店員亦都有韓國人， 先是揀食乜餐牌，就可以任食咁點啦，佢就會送上嗰份menu自己可以任填 ，唔使好耐就上碟，喜歡佢個有得燒爐邊蛋，又可以嗌佢加蛋汁，好正啊！Menu選擇都好多， 雞牛豬都有， 推薦辣味五花腩， 牛舌，肥牛，牛小排等！ 佢會準備好生菜， 泡菜同埋牙菜，可以包住嚟食，唔會咁油膩，好好味㗎！之後我想講佢嘅料理都好好食，我哋之後食咗個水冷麵同埋海帶湯，都好好味好正宗 。飲品喺自助區都選擇好多，如果食得太膩，建議飲烏龍茶，可以消滯 ，好舒服，整體全部食物都好好食，服務都好好， 下次再嚟幫襯！