極尚大瀛喜日本料理 (已結業)

今日同朋友食放題，慢慢坐傾下計，食放題真係lunch平過 dinner 好多。連埋加一2百蚊左右就可以食成3個鍾岩曬傾計。重要呢間有好多酒都任飲。岩曬同朋友 摸下酒杯底傾計。正呀～呢度同出面好多日式放題店都差吾多，最主要主打刺身，呢間鋪既刺身種類唔算特別多，但係每一樣都好新鮮好好味，吾會有解凍吾夠既情況出現，每一樣都唔會切到好薄， 都切得幾厚好有口感，正。除左點既野食，佢出面仲有自助區比你攞 沙律，日式小食好似 章魚丸，日式冷盤—好似中華沙律，八爪魚仔， 泰式 鳳爪 等等，仲甜品，雪糕，嘢飲任你攞。仲有小朋友最鍾意既糖果區。好多選擇。我地仲叫左好多野食， 真係不能盡錄， 但係我自己有幾款係強烈必需要推介。就係燒牛舌，燒菠蘿仲有炸蠔，每一樣都燒同炸得好juicy，真係要食完再食。