韓牛韓式燒烤 (已結業)

平靚正韓燒 188一位一間喺旺角創興樓上既食韓燒地方 任食韓燒通常比較hea野食麻麻 但呢間韓牛雖然做緊188 加一 但食物真係唔錯食店環境同一般韓燒一樣 長枱櫈為主 每張枱都有個燒烤爐 有卡位 地方都幾闊落 通風系統幾好 唔算大煙 食物以自助形式 分左唔同區域肉類區 生食區豬牛羊雞魷魚腸仔肥牛唔同類既肉樣樣有所有食物都係經過韓國廚師醃製 所以食落真係唔錯 好似牛肉 排骨 好有香甜味 , 牛柳粒夠煙韌juicy .雞翼好有胡椒香而且大大隻 , 魚肉同雞扒 十分軟滑 , 三文魚柳好新鮮 除左好味 多有好多款 熟食區有泰式炒蜆 瀨尿蝦 炒飯 炒麵 酸薑豬手 鹵蛋 薯條 炸雞 雞柳等等 應有盡有 尤其覺得瀨尿蝦炒得好夠味同好多糕 而炒蜆亦都新鮮味仲有凍盤海鮮 蟹 蝦 三文魚 青口等 整體中上 蝦同青口十分唔錯 三文魚以任食刺身黎講都可以接受飲品有綠茶 烏龍茶 各式可樂汽水啤酒 任拎甜品有朱古力噴泉 棉花糖 雀巢雪糕 西瓜 火龍果等等 以任食黎講抵 而且食物質素唔錯 !